गजुरीमा जेब्रा क्रसिङ निर्माण/मेटिएका ठाउँमा रङ लगाउने कामको थालनी:सुरज श्रेष्ठ

गजुरी ०२,धादिङ।जिल्ला ट्राफिक प्रहरी कार्यालय गजुरीले गजुरी गाउँपालिकाको आदर्श माध्यमिक बिधालय जाने चोकबाट जेब्रा क्रसिङ निर्माण/मेटिएका ठाउँमा रङ लगाउने कामको थालनी गरेको छ ।

गजुरी गाउँपालिकाको सहयोगमा राजमार्ग क्षेत्रमा पर्ने बस्तीमा जेब्रा क्रसिङ निर्माण/रङ्ग लगाउने काम गरिएको कार्यालय प्रमुख ट्राफिक प्रहरी निरीक्षक सुरज श्रेष्ठले हाम्रो दैनिकलाई बताउनुभयो ।

गजुरी गाउँपालिकाको आदर्श माध्यमिक बिधालय जाने चोक,आदर्श बहुमुखी क्याम्पस जाने चोक,मुनाल एकेडेमी जाने चोक गरेर आवश्यकता अनुसार ३ स्थानमा जेब्रा क्रसिङ निर्माण/रङ लगाउने काम गरिएको छ । भने गजुरीको आदमघाट,गल्छि-४ मास्टार जनकल्याण माध्यमिक विधालय अगाडि जेब्रा क्रस निर्माण गरिएको छ।

अब आउने दिनहरुमा ‘जेब्रा क्रसिङ पाँच सय मिटर दुरीमा हुनुपर्छ। अनावश्यक ठाउँमा बनाउँदा पैदलयात्रुलाई सास्ती हुन्छ,’ श्रेष्ठ भन्छन्, ‘ विद्यालय,अस्पताल,पसल र धेरै मान्छे ओहोरदोहोर हुने ठाउँमा पर्याप्त जेब्रा क्रसिङ हुनुपर्छ। यसले सवारी गति नियन्त्रण गर्न सघाउँछ।’

गजुरी गाउँपालिकाको सहयोगमा बाटो ओहोर दोहोर गर्ने मुख्य स्थान र विद्यालय नजिकको स्थानमा जेब्रा क्रसिङ निर्माण/रङ्ग लगाउने काम गरिएको हो। कार्यालयले अरु पालिकासँग मिलेर पूर्वपश्चिम राजमार्ग र हुलाकी राजमार्गमा जेब्रा क्रसिङ निर्माण गर्ने योजनामा रहेको जनाएको छ ।

राजमार्ग क्षेत्रमा पहिल्यै निर्माण गरेका जेब्रा क्रसिङ मेटिदा बाटो काट्न गारो भएको गजुरी गाउँपालिका वडा नं.१ निवासी केशव खरेलले बताउनुभयो । हाट बजार क्षेत्र, विद्यालय क्षेत्र, मुख्य चोकहरुमा जेब्रा क्रसिङ निर्माण गर्दा पैदल यात्रुलाई सहज हुने जिल्ला ट्राफिक प्रहरी कार्यालय गजुरीका निरीक्षक सुरज श्रेष्ठले बताउनु भयो ।

धादिङ जिल्लाको पूर्व पश्चिम राजमार्गमा बिद्यालय र हस्पिटल क्षेत्रका स्थानमा जेब्रा क्रसिङ निर्माण गर्नुपर्ने देखिएको ट्राफिक प्रहरीले जनाएको छ ।

गजुरीमा जेब्रा क्रसिङमा विधालय लाग्ने र छुट्ने समयमा ट्राफिक प्रहरी, जनपद प्रहरी, नगर प्रहरी र विधालयका शिक्षक शिक्षिकाले मिलेर बाटो कटाउने गरिएको छ।

जेब्रा क्रसिङ भएको बाटोमा हिँड्दा केही हदसम्म सुरक्षित महशुस हुने उनले बताए। रङ खुइलिएका जेब्रा क्रसिङमा पुन: रङरोगन गर्नुभन्दा नयाँ बनाउन बढी ध्यान दिइने गरेको उनले बताए।साथै जेब्रा क्रसिङ बनाउनु परेमा स्रोतको ब्यबस्थापन भएमा बनाइदिने समेत प्रतिबद्धता ब्यक्त गरेका छ्न।