‘जनयुद्ध दिवस’ मा रोल्पाको सुनछहरी गाउँपालिकामा सार्वजनिक बिदा

रोल्पाको सुनछहरी गाउँपालिकाले ‘जनयुद्ध दिवस’ सार्वजनिक बिदा दिएको छ । तत्कालीन समयमा नेकपा माओवादीले सुरु गरेको सशस्त्र संघर्षको सम्झनामा फागुन १ गते सार्वजनिक बिदा दिएको हो ।

उक्त दिन विभिन्न खेलकुद तथा सांस्कृति कार्यक्रम आयोजना गरी उत्सवकै रुपमा मनाउने पालिकाले जनाएको छ । नेकपा माओवादीले ०५२ फागुन २ गतेदेखि १० वर्षे सशस्त्र संघर्ष सुरु गरेको थियो ।

उक्त समयावधिमा सुनछहरी गाउँपालिकामा राज्य पक्षबाट १ सय ८२ जना र विद्रोही पक्षबाट २५ जना गरी २०७ जनाले ज्यान गुमाएका थिए ।