अभिभावक खाेज्दै पाँच वर्षको उमेरमै गुम्बामा छाडिएका स्याङ्तान

धादिङ घर बताउने अभिषेक स्याङ्तान नाम गरेको अन्दाजी १४ बर्षिय एक बालक आफ्नो बाबु आमा खोज्दै धादिङबेसीमा आएका छ्न।

धादिङको चौतारीमा एउटा टिसर्ट लगाएका गहुँगोरो, अन्दाजी १४ वर्ष को अभिशेक स्याङतान तामाङ नाम बताउने बालक धादिङबेसीमा बाबु आमा खोज्दै आइपुगेको छ्न।उनि ५ वर्षको हुँदा आमाले आफ्नो घर धादिङ चौतारा बताएपछि उनि धादिङ आएका हुन् ।

करिब १० वर्षअघि उनी ५ वर्षको हुँदा काठमाडौं स्वयम्भुमा रहेको एउटा गुम्बामा बाबुआमाले बौद्धसम्बन्धी पढाइ गर्न छाडेर गएका थिए ।आफ्नो घर धादिङ चौतारा हो भनेर उनलाई उनका आमाले बताएकी थिइन् । छाडेर गएपछि एक वर्ष जति कहिले बाबु सुनील, कहिले आमा सुनिता भेट्न आउँथे। एक वर्ष सम्म बाबु आमा दुबै सँग फोनमा कुराकानी पनि भैइरहन्थ्यो।

तर एक वर्षपछिबाट गुम्बामा न बाबुआमा भेट्न आए न फोनमा कुराकानी नै भयो । अभिषेकलाई बाबु सुनीलको फोन नम्बर ९८४०३१७७१० र आमा सुनिताको मोबाईल नम्बर ९८६९२४२५९९ अहिले पनि कण्ठस्थ छ ।बाबुआमा गुम्बामा भेट्न आउन छाडेर फोन पनि नलाग्ने भएपछी अभिषेक गुम्बा छाडेर भागे । काठमाडौंको सडक बालक भएर हिँडेपछि उनी कहिले सडक पेटीमा त कहिले माग्दै कसैको आँगनमा गुजारा गर्दै आए । ८ वर्षअघि सडक बालक उद्धार गरेपछि नेपाल प्रहरीको बालबालिका खोजतलास केन्द्रले दोलखाको सीपीसीएस भन्ने संस्थामा लगेको बताउँछ्न।

आमाले आफ्नो घर धादिङ चौतारा बताएको सम्झना भएकाले एक जना संरक्षकको सहयोगमा अभिषेक बुधबार धादिङबेशी आमा बुबा खोज्दै अनुहार अँध्यारो बनाएर धादिङबेशी आएका अभिषेक स्याङ्ताङ्ले पत्रकारहरूलाई आफ्नो कथा बताउँदा भक्कानिएर रोएका थिए ।

निहुरिएर आँसु पुछेका अभिषेकले दोलखाबाट करिब एक वर्षपछि भागेर एउटा बस चढेर पुनः काठमाडौंमा सडक बालक बनेको कथा सुनाए ।केही समयपछिको सडक बालकको नारकीय जीवनपछि नेपाल प्रहरीले उद्धार गरेर उनलाई बौद्धको सुधार केन्द्रमा राख्यो । १४ महिना बसेपछि उनलाई कुक तालिम सिक्ने अवसर आयो । कुक तालिम सिकेपछि काम गर्ने अवसर पनि पाए । स्मार्ट क्याफेमा २ वर्ष कुकको काम गरे । तर, काठमाडौंमा बालबालिकालाई काममा लगाउन नपाइने भएकाले होटल साहुले नागरिकता मागे । उनीसँग जन्म दर्तासमेत नभएकाले काम छाड्न बाध्य भए । परिवारले छाडेपछि विक्षिप्त हुँदै सम्हालिँदै आएका अभिषेकले बस्ने र खाने ठाउँ फेरि पाएनन् उनी फेरि सडकमै पुगे। उनी बालक नै भएको र सडकमा भौतारिएको अवस्थामा मकवानपुर चित्लाङका राजुकाजी गमालले २ वर्षदेखि संरक्षक बनेर राख्नुभएको छ । हाल अभिषेक पढ्न रुचाउने भएका छन् । एकपटक पढेपछि दिमागमा ख्याल राख्छन् ।अभिषेकले पढ्न रुचि राखेपछि गमालले स्वच्छन्द भैरव माविमा लगे ।

विद्यालयले पढाइका लागि जन्म दर्ता माग ग¥यो । अभिषेकको जन्म दर्ता नभएकाले हाल विद्यालयमा पढ्दै गरे पनि जन्म दर्ता ल्याएपछि मात्र भर्ना गर्न पाइने व्यवस्था छ ।अभिषेकलाई आमाले धादिङ घर बताएको धादिङ चौतारामा घरघर छिरेर सोधखोज गरियो ।

अहिले उनी परिवारको खोजी गरेर जन्म दर्ता गर्ने र पढाइलाई अघि बढाउने पक्षमा भए पनि सो कार्य रोकिएकाले परिवार खोज्न आएका हुन् । गमाल संरक्षक बनेर जिल्ला प्रशासन कार्यालय धादिङमा परिवार खोज्ने कार्यमा सहयोग गर्न निवेदन दिएका बालक अभिषेकले ट्रक चालक बाबु, होचो कदको भएको, हातमा ट्याटु खोपेको देखिएमा खबर गरेर आफ्नो भविष्य सुनिश्चित गर्न सहयोग गरिदिन सबैलाई आग्रह गरेका छन् ।

आफूलाई भेट्न नचाहेको भए पनि जन्मदर्ता गरी आफ्नो परिचय दिएमा आफू उनी तयार भएको र संरक्षक बस्नुभएका गमालले पढाइका लागि सघाउने र धादिङ खाल्टेका पवन ढुंगानाले बस्नका लागि घर बनाउने जग्गा दिने प्रतिबद्धता जनाउनुभएको छ ।

अभिषेकका लागि धादिङ चौतारा वा धादिङमा गाडी चालक सुनिल स्याङ्तान, जसको हातमा ट्याटु छ उनलाई खोजी गरेर सम्पर्कमा ल्याउन अभिषेकले पत्रकारहरुलाई आग्रह गरेका छ्न।सामाजिक सन्जालभर बालकको खोजी कार्यको लागि अप्रिल गरिएको छ।