धादिङको गल्छीमा माइक्रोबस दुर्घटना,१४ जना घाइते

गजुरी।धादिङको गल्छी गाउँपालिका अन्तर्गत पृथ्वीराजमार्गमा माइक्रोबस दुर्घटना भएको छ ।

माइक्रोबसमा सवार १६ जना मध्ये दुर्घटनामा परेर १४ जना घाइते भएको प्रहरीले जनाएको छ । गल्छी गाउँपालिका वडा नं.८ गल्छी मोडस्थित पृथ्वीमार्गमा माइक्रोबस काठमाडौंबाट चितवनतर्फ जाँदै गरेको बा २ ख २८२९ नम्बरको माइक्रोबस ब्रेक फेल भएर दुर्घटना भएको बताइएको छ।

घाइतेहरूको अम्बि भरोसा अस्पताल गल्छीमा उपचार पश्चात् थप उपचारको लागि भरतपुर मेटिकल कलेज र काठमाडौं रिफर गरिएको अम्बि भरोसा हस्पिटलका ल्याप टेक्निसिएन बिनिता अधिकारीले बताइन्।

घाइते हुनेहरूमा तनहुँको रिसिङ गाउँपालिका वडा नं.४ का २६ वर्षीय नन्दबहादुर मगर, चितवनको भरतपुर महानगरपालिका वडा नं.४ का ५६ वर्षीय भिमा भट्टराई, चितवनको माडि बस्ने ४५ वर्षीय सिता सेञ्चुरी, नवलपुरको देवचुली नगरपालिका वडा नं.१७ का २० वर्षीय मौसम पौडेल, लमजुङको दुधपोखरी गाउँपालिका वडा नं.६ का ३५ वर्षीय बिन्दु गुरुङ, भक्तपुरको सुर्यविनायक नगरपालिका वडा नं.०१ का ३२ वर्षीय श्रीकृष्ण श्रेष्ठ, महोतरीको जलेश्वर नगरपालिका वडा नं.११ का २६ वर्षीय राम जानकारी पाण्डे,चितवनको रत्ननगर नगरपालिका १२ का ३१ वर्षीय सुवास घिमिरे, मकवानपुरको थाहा नगरपालिका ५ का २२ वर्षीय सञ्जय तामाङ, पूर्व नवलपरासीको देवचुली नगरपालिका १७ का ४२ वर्षीय उषादेवी पौडेल, चितवनको भरतपुर महानगरपालिका ६ का ५० वर्षीय राम कुमार रिजाल, तनहुँको बन्दिपुर गाउँपालिका ४ का ५२ वर्षीय मधुमाया मगर, गोरखाको देउराली बस्ने २९ वर्षीय सञ्जय बाठा मगर, काठमाडौंको चन्द्रागिरी नगरपालिका २४ का ४८ वर्षीय गोपाल रावत, चितवनको राप्ती बस्ने ३५ वर्षीय चन्द्र माया लामा र पूर्व नवलपरासीको गैंडाकोट बस्ने २७ वर्षीय सुरेन्द्र थापा रहेका छन् ।