गजुरी:-८ रिठ्ठाबोटे आ.विको बिधालय ब्यबस्थापन समिति अध्यक्षमा सुमन लो तामाङ निर्वाचित


गजुरी:-८ रिठ्ठाबोटे आ.विको बिधालय ब्यबस्थापन समिति अध्यक्षमा सुमन लो तामाङ निर्वाचित

गजुरी गाउँपालिका वडा नं. ८ स्थित रिठ्ठाबोटे आधारभूत विद्यालयमा विद्यार्थीहरूलाई छात्रवृत्ति तथा शैक्षिक सामग्री वितरण कार्यक्रम सम्पन्न भएको छ।यस अवसरमा विपन्न, जेहेन्दार, तथा दुर्गम क्षेत्रका विद्यार्थीहरूलाई छात्रवृत्ति तथा शैक्षिक सामग्री वितरण गरिएको हो।

साथै,यसै विद्यालय व्यवस्थापन समितिको अध्यक्षमा सुमन लो. तामाङ चयन हुनुभएको छ भने शिक्षक अभिभावक संघको अध्यक्षमा हस्त बहादुर तामाङ नियुक्त हुनुभएको हो। नवगठित समितिले विद्यालयको शैक्षिक सुधार तथा भौतिक पूर्वाधारको विकासमा योगदान दिने अपेक्षा गरिएको छ।

कार्यक्रममा प्रमुख अतिथि गजुरी गाउँपालिका अध्यक्ष गणेशलाल श्रेष्ठ रहनुभएको थियो भने विशेष अतिथि वडा नं. ८ का अध्यक्ष देवराज ओझा हुनुहुन्थ्यो। विद्यालय व्यवस्थापन समितिका नयाँ पदाधिकारीहरू, शिक्षक, अभिभावक, विद्यार्थी तथा स्थानीय समुदायको उत्साहजनक सहभागिता रहेको थियो।

छात्रवृत्ति वितरण तथा नयाँ समिति गठनसँगै विद्यालयको शैक्षिक गुणस्तर सुधारका लागि आवश्यक पहलहरूबारे छलफल भएको थियो। अध्यक्ष श्रेष्ठले गाउँपालिकाले शिक्षा क्षेत्रमा निरन्तर सहयोग गर्ने प्रतिबद्धता व्यक्त गर्नुभएको छ।

गजुरी-८ का वडा अध्यक्ष देवराज ओझाले अब आउने दिनमा शिक्षा क्षेत्रलाई पहिलो प्राथमिकतामा राखेको बताउदैँ बिधालयको मुहार फेर्ने उदेश्यले ब्यबस्थापन समिति पनि चयन गरेको बताए।

कार्यक्रममा विद्यालय व्यवस्थापन समितिका पदाधिकारीहरू, शिक्षक, विद्यार्थी, अभिभावक तथा स्थानीय समुदायको उल्लेखनीय उपस्थिति रहेको थियो।

नवगठित समितिले विद्यालयको गुणस्तरीय शिक्षाका लागि दीर्घकालीन योजना अघि बढाउने प्रतिबद्धता जनाएको छ।यसै अवसरमा विद्यार्थीहरूलाई नवगठित बिधालय ब्यबस्थापन समितिका अध्यक्ष सुमन लो तामाङले शैक्षिक सामाग्री वितरण गरिएको बिधालय प्रधानाध्यापक सुन बहादुर स्याङ्तङले बताउनुभयो।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित

ताजा अपडेट

खोजी गर्नुहोस