गजुरीको गलौदीमा भोलि पूर्व मुख्यमन्त्री जम्कटेल द्वारा महोत्सव उद्घाटन हुने

गजुरी १३ चैत।तेस्रो धादिङ रैथाने खाना तथा कृषि पर्यटन व्यापार महोत्सव-२०८१ को उद्घाटन भोलि बागमती प्रदेश सरकारका पूर्व मुख्यमन्त्री शालिकराम जम्कटेलले गर्ने भएका छन्।

गजुरी गाउँपालिका वडा नं.५ स्थित गलौदी खेलमैदानमा भोलि चैत १४ गतेदेखि २४ गतेसम्म सञ्चालन हुने महोत्सव जिल्ला होटल संघ धादिङको आयोजनामा र गजुरी गाउँपालिकाको संरक्षकत्वमा सम्पन्न हुने भएको हो।

यस कार्यक्रमको अवसरमा भोलि चैत १४ गते लोक दोहोरी गायिका चिजा तामाङको प्रस्तुति रहनेछ। अन्य दिनमा पनि विभिन्न स्थानीय तथा राष्ट्रिय कलाकारहरूको आकर्षक प्रस्तुति रहनेछ।

प्रदर्शनीहरू: रैथाने खाना, कृषि उत्पादन, घरेलु तथा हस्तकला प्रवर्द्धन, परम्परागत बाजा प्रदर्शन, नृत्य प्रतियोगिता, मनोरञ्जन पार्क, खाना पकाउने प्रतियोगिता, र सस्तो बजारको प्रदर्शन समेत हुने आयोजक भरत बराकोटीले बताउनुभयो।व्यापारिक स्टल ८० वटा स्टल रहनेछ,भने जसमा विभिन्न व्यवसायिक तथा स्थानीय उत्पादनहरू बिक्रीमा रहनेछन्।

महोत्सवको तयारी अन्तिम चरणमा पुगेको छ। पृथ्वी राजमार्गसँग जोडिएको बेनिघाट रोराङ, सिद्धलेख, गल्छी, थार्के लगायतका गाउँपालिकाहरूबाट पनि सहभागीहरूको उपस्थिति रहने अपेक्षा गरिएको छ।