प्रेस सन्टरको केन्द्रीय सदस्यमा धादिङका नारायण सिलवाल निर्वाचित

धादिङका नारायण सिलवाल प्रेस सन्टरको केन्द्रीय सदस्यमा पुनः निर्वाचित हुनुभएको छ ।

आईतबार काठमाडौँमा सम्पन्न प्रेस सेन्टर नेपालको ५ औँ राष्ट्रिय महाधिवेशनबाट धादिङपोष्ट डटकमका प्रधान सम्पादक नारायण सिलवाल पुनः केन्द्रीय सदस्यमा निर्विरोध निर्वाचित हुनुभएको हो ।

सिलवाल यसअघि सम्पन्न चौंथो महाधिवेशनमा पनि केन्द्रीय सदस्यमा निर्विरोध निर्वाचित हुनुभएको थियो ।यसअघि २०८० भदौ २१ मा प्रेस सेन्टर नेपालले उनलाई धादिङ जिल्ला इञ्चार्जको जिम्मेवारी दिएको थियो, जसले उनको संगठनात्मक क्षमतालाई अझ मजबुत बनायो।

यस पटकको निर्वाचनमा केन्द्रीय समितिको सदस्य संख्या २९९ बाट घटाएर ९९ पुर्‍याइएपछि, उनलाई धादिङ मात्र नभई नुवाकोट र रसुवाको इञ्चार्जको जिम्मेवारी दिने गरि निर्वाचित गरिएको हो। यसले उनको दायित्वलाई थप फराकिलो बनाएको छ।

प्रेस सेन्टर नेपालको ५ औँ राष्ट्रिय महाधिवेशनमा देशभरका ८०४ प्रतिनिधिहरूको सहभागिता रहेको थियो। महाधिवेशनबाट अध्यक्षमा कमल गिरि, वरिष्ठ उपाध्यक्षमा सुरेश अधिकारी, महासचिवमा मनोज घर्ती, उपमहासचिवमा ज्ञान प्रसाद पौडेल, बुद्ध लोप्चन, हरिश विक, लक्ष्मी आचार्य, अनिल मिश्रलगायतका पदाधिकारीहरू निर्वाचित भएका छन्। बागमती प्रदेशबाट पाँच केन्द्रीय सदस्य चयन भएका छन्, जसमा सचिव मिनकुमार दाहाल, महिला सदस्य अजिता अधिकारी, ध्रुवराज ढकाल, रामकृष्ण बञ्जरा, र नारायण सिलवाल रहेका छन्।

सिलवालको पुनः निर्वाचनले धादिङको पत्रकारिता क्षेत्रमा सकारात्मक प्रभाव पार्ने अपेक्षा गरिएको छ। प्रेस स्वतन्त्रता र स्थानीय विषयहरूलाई राष्ट्रिय मञ्चमा उजागर गर्न उनको भूमिकाले महत्त्वपूर्ण योगदान दिन सक्ने देखिन्छ।

महाधिवेशनमा अध्यक्ष, वरिष्ठ उपाध्यक्ष, महासचिव, उपमहासचिव, सचिव लगायतका पदमा गोप्य मतदान भएको थियो ।