राजन लामा पक्राउ विरुद्ध नेकपा माओवादी केन्द्रले निकाल्यो विज्ञप्ति,विना सर्त रिहाईको माग

नेपाल कम्युनिष्ट पार्टी माओवादी केन्द्रको सहायक संगठन योङ कम्यूनिष्ट लिग वाइसियल धादिङका जिल्ला सचिव गजुरी गाउँपालिका वडा नम्बर ६ बन्छेटार बस्ने राजन लामालाई मिति २०८१ साउन २७ गतेका दिन गजुरी बजारबाट पक्राउ गरेकोमा विना सर्त रिहाई गर्न माग गरिएको छ ।

तत्कालिन माओवादी पार्टीले सञ्चालन गरेको १० वर्षे जनयुद्ध र जनआन्दोलन को उपलब्धि स्वरुप प्राप्त लोकतान्त्रिक गणतन्त्रमा संविधान द्वारा प्रदत्त गरिएको वाक स्वतन्त्रता माथि नै आँच आउने गरी व्यक्तिको आफ्नो व्यक्तिगत विचार र रायलाई कुण्ठित गर्ने गरी सामाजिक संजाल फेसबुकमा लेखेका केही शब्द र सवाल जवाफ कै भरंमा पक्राउ गरी हिरासतमा राख्नु कुनै पनि हालतमा स्किार्य हुन सक्दैन ।

मुलुकको १८ घण्टे लोडसेडिङलाई अन्त्य गर्ने कुशल नेतृत्वमाथि समर्थन जनाउँने एक क्रान्तिकारी युवाको विचारलाई कुण्ठित गर्ने मनासयले गिरफ्तार गरिनु र झुठा मुद्दा लगाउँनु भनेको किर्ते, भूष्ट, जालसाँजी, छलछाम र प्रतिगमनकारीको प्रतिविम्वित हर्कतको निष्कर्ष भएको विज्ञप्तिमा भनिएको छ ।

फेसबुकमा स्टाटस लेख्दै नेकपा एमालेका अध्यक्ष एवं प्रधानमन्त्री केपी शर्मा ओलीसहित एमाले कार्यकर्तालाई धम्कीपूर्ण अभिव्यक्ति दिएको आरोपमा योङ् कम्युनिष्ट लिग (वाइसीएल ) धादिङको जिल्ला सचिव समेत रहेका राजन लामालाई गजुरीबाट आइतबार साँझ प्रहरीले पक्राउ गरेको हो । अभियुक्त लामामाथि साइबर व्युरो काठमाण्डौँको भोटाहिटीमा मुद्दा दर्ता गरि थप अनुसन्धान भईरहेको प्रहरीले जनाएको छ ।

नेपाल कम्यूनिष्ट पार्टी माओवादी केन्द्र सदैव भ्रष्टाचार, अन्याय, भ्रम र निरङकुसताका विरुद्ध निरन्तर लडिरहने संगठन हो। सत्ता र शक्तिको आडमा कोही कसैले जालझेल, षड्यन्त्र र दमन गर्ने दुस्प्रयास गर्दछ भने संगठन कदापी मौन रहन सक्दैन र यस्ता कार्यको कडा प्रतिवाद गरिनेछ ।

त्यस्तै नेकपा माओवादी केन्द्र निकट भातृ युवा संगठन योङ् कम्युनिष्ट लिग(वाईसीयल)धादिङले विज्ञाप्ति निकालेर निकालेर सरकारलाई ध्यानकर्षण गराएको छ । वर्तमान राजनैतिक अवस्था र घटनाक्रमलाई मुल्याङकन गर्दै आफ्नो राय र तर्क गरेकै भरमा मुद्धा ममिला गर्नु प्रतिशोध राख्नु समग्र जनता पार्टी पंङतीमा मान्य नहुने विज्ञप्तिमा उल्लेख गरिएको छ ।